当前位置 : 主页 > V城生活 >【轮证赢家】熊仔準备食得

【轮证赢家】熊仔準备食得

阅读111
【轮证赢家】熊仔準备食得放大图片

噚日拣咗只恒指熊(55636)出嚟,有读者喺FB留言话呢只熊仔已经即开即食,不过拆开5分钟图嚟睇,SlowSTC(14,3)成日都未上过超买範围,讲紧就算打完噚日个[下半part]都係未见,直至到3点35分至收市呢25分钟里面,SlowSTC(14,3)先上到7X至8X楼上嘅水平。讲真,喺呢个位入就真係预咗过夜,同时噚日都有讲过由于要準备过夜,安全起计可以选择收回价比(55636)更远嘅熊证,甚至係Put轮,以防今日开市唔知发生咩事。

今朝恒指先轻微高开48点,报26838点;至依家9点51分,恒指升幅一度扩阔至升101点,高见26891点,不过依家升势回落,做26830点,升40点。拆恒指5分钟图见到其实条SlowSTC(14,3)今早承接住噚日收市前超买嗰道气,今朝早恒指弹升后再升多少少,就已经将条SlowSTC(14,3)拉到超买高见9X,依家回落所以见升幅收窄,合理嘅程度同一个汽车维修员喺足球场上拥有一个士巴拿一样咁合理。不过,以(55636)计,按上文所指收市前嗰25分钟嚟计,高低位见过$0.071/$0.066,平均价就係$0.0685,对比依家9点58分(55636)做紧$0.057计,似乎都要捱多阵价。

睇返恒指日线图,以噚日收市价26790点计,恒指一口气失守10天线(26861点)同50天线(26919点),至今日以现价(10点正mark26853点计),仍然喺呢两条天线以下水平。换保历加通道出嚟睇,恒指仍然处于保历加上升通道里面,不过就企係上升通道接近中间位置(顶部:27564点;中轴:26362点,中间位26963点)附近,而下方SlowSTC(14,3)已经好明显喺超买位遇顶回落,只係比较中线指标(14RSI、MACD、 DMI)就见处于中轴水平。

开埋恒指牛熊证街货图睇,今日见街货图上熊证区有新货上架,分别係26900至26999点、27000至27099点同埋27100至27199点,最贴价嘅26900至26999点就有相当于204张期指嘅街货,但再上嗰两层就完全无货喺度,室于重货区就係27600至27699点,但讲紧都只係有565张期指。

咁噚日过千张期指街货呢?无咗啦?係呀,无咗啦,层数无变仍然都係26600至26699点,但今日见呢度得返922张期指,当中有335张期指嘅街货喺噚日离队。街货去哪儿?可能係将牛证守防线退后,因为见到除咗最贴价嗰层牛证街货係有减少之外,其他嘅层数街货都见有增加;甚至乎贪新鲜,走咗去帮衬新开张嘅熊证街货都未定。

虽然过千张期指街货层就无咗,不过点计都係比上层重货得多,噚日已经有熊/Put喺手嘅,今日应该可以搵位食餬;无货嘅就再等恒指5分钟SlowSTC(14,3)上返超买时,考虑小注落恒指熊(55832),收回价27200点,同现价只有不足400点差距,但见槓桿有约55.9倍,又係Day trade一流嘅熊证。

作者阿珊,任财经/投资版传媒人十几年,《钟摆战略赢港股》作者。用技术分析专心玩轮证,唔贪心,志在搵餐下午茶。

电邮:[email protected];FB:轮证赢家

上一篇: 下一篇: